新聞類別
財經
詳情#
【明報專訊】務農一向係望天打卦嘅行業，好似亞洲果業（0073）咁，噚日個通告就話，上個禮拜個颱風威瑪遜喺廣西地區造成廣泛破壞，係該區近年所遇到最強颱風，偏偏亞果重要種植場之一嘅合浦就喺正嗰頭，無可避免受影響，至於影響有幾大，公司仲要一段時間計算經濟損失，認真不幸。
亞果中招次數高
雖然話天氣不似預期，人力都改變唔到，不過小琴記得，亞果中招次數都幾高，合浦2012年就試過因為連場暴雨，搞到大規模感染柑橘潰瘍，自然又係影響夏橙收成。咪以為冬天少啲水災，種橙業務就相對穩陣，亞果舊年11月又話，江西省南部嘅贛南地區，亦即係亞果另一個果園嘅所在地，普遍橙樹嘅成熟期及產出量均邁向高峰，再加埋有負面報道話有經染色嘅贛南臍橙，雖然亞果啲橙完全冇「整色整水」，但冬橙售價都大受影響，自然又影響收入啦。
照咁睇，種橙的確係一門好難捉摸嘅生意，亞果主席唐宏洲係做騎師出身，由佢「策騎」呢間公司，股東要贏舖勁，希望唔使望天打卦啦！
[小琴密語]
亞果中招次數高
雖然話天氣不似預期，人力都改變唔到，不過小琴記得，亞果中招次數都幾高，合浦2012年就試過因為連場暴雨，搞到大規模感染柑橘潰瘍，自然又係影響夏橙收成。咪以為冬天少啲水災，種橙業務就相對穩陣，亞果舊年11月又話，江西省南部嘅贛南地區，亦即係亞果另一個果園嘅所在地，普遍橙樹嘅成熟期及產出量均邁向高峰，再加埋有負面報道話有經染色嘅贛南臍橙，雖然亞果啲橙完全冇「整色整水」，但冬橙售價都大受影響，自然又影響收入啦。
照咁睇，種橙的確係一門好難捉摸嘅生意，亞果主席唐宏洲係做騎師出身，由佢「策騎」呢間公司，股東要贏舖勁，希望唔使望天打卦啦！
[小琴密語]
留言 (0)
