戴耀廷見民主黨探討佔中

【明報專訊】噚日民主黨召開中常會，同「佔中」發起人戴耀廷會面，商討未來行動以及探討佔中嘅時間。戴耀廷會後話，大家都同意現階段係對話時間，佔中三子亦已約咗「政改三人組」下星期見面；不過，佢覺得要爭取到一個符合國際標準嘅方案，係有點「妙想天開」喎。


陳健民學生促「盡快佔中」

民主黨副主席羅健熙話，會上主要分享大家對政改諮詢報告嘅睇法，暫時都未落實一個具體嘅佔中時間表。至於民主黨，就會喺暑假做佔中嘅內部組織工作，搵晒有咩黨員簽咗佔中意向書。


對於近日有網民自發搞一個「流動佔中」，聲稱「每日有一萬人得閒就去中環等巴士、等電車、行街、影相、排隊撳櫃員機……」，戴耀廷話每個市民都有公民權利表達意見。


另外，佔中三子之一陳健民話，有學生送咗4個大字畀佢作為教學評價﹕「盡快佔中」。佢笑言根據政務司長林鄭月娥嘅標準，既然無其他爭拗意見，「盡快佔中」應該喺「普遍」認同啦！