被問佔中 狀元：學校唔太准答

【明報專訊】一年一度文憑試噚日放榜，有人歡喜有人愁，其中跑馬地聖保祿中學今屆就誕生兩名7優狀元，包括希望入讀法律系立志做律師嘅黃曉晴，但佢噚日接受有線訪問時被問點睇佔領中環運動可能牴觸法律時，佢就講咗句「唔好意思，這條問題，我哋學校唔係太准答」。


唔通狀元發表個人諗法都要經過學校「過濾」至講得？校方回覆本報時就話，學校無指示同左右學生應該點樣回答傳媒相關問題，絕對尊重學生意願同意見，話如果學生feel comfortable，就可以自行決定答定唔答，仲話學校都無既定立場。