為睇報告 阿涂想跪求醫管局

【明報專訊】中大心臟科教授余卓文被威爾斯親王醫院封刀近一年半，醫管局搵人做嘅調查報告已經公布，一直幫余教授搞清楚件事嘅立法會議員涂謹申同Emily呻，醫管局喺報告公布前，無依慣例畀份報告余教授comment，仲咬牙切齒話呢一世都會記住醫管局機構傳訊總行政經理葉根銓（Frankie）咁話。不過，Frankie就話，份報告等於法官判辭，唔可以提早畀余教授睇。究竟邊個啱，Emily只係記者，唔敢落判斷。


阿涂話，報告公布前，余教授又出信又公開呼籲，叫醫管局畀佢哋睇吓份報告，方便佢哋向記者回應，星期三報告公布嘅早上，阿涂心急如焚，話仲想跑去醫管局下跪，要求醫管局畀份報告望吓，但被佢老婆同助手阻止，話仲咩咁封建要下跪醫管局。


葉根銓：報告等於判辭

Frankie就話，份報告等於法官判辭，唔可以提早畀余教授睇，但係佢會接受涂議員嘅批評同埋作出改善。