芝大在港EMBA收生

【明報專訊】上年由新加坡搬嚟香港搞EMBA嘅美國芝加哥大學布斯商學院，今年第一年喺香港收生，佢哋噚日同Emily講，今年有18個港人報讀，比舊年喺新加坡時多收15人，中國大陸嘅學生亦由上年嘅5個加到11個。


首年在港收生 稱滿意情况

芝大布斯商學院亞洲區營運總監Richard Johnson對收生情况好滿意，仲話完成咗搬嚟香港嘅目標。


芝大布斯商學院噚日開記招，Johnson話今年收咗86個學生，但就無咩出名嘅人報讀，無名人亦無政府官員，主要是大型商業機構管理層同小型公司嘅老闆報讀。


Emily問到學院對「佔中」嘅睇法，學院副院長William W. Kooser三緘其口話「無睇法」，又話自己只係嚟咗香港10個月，冇資格評論咁話。