馬會招生 學員凌晨打機變訓練

【明報專訊】2013至14年度馬季完結，但馬會馬上又要忙住吸收生力軍，事關新一屆賽事見習學員嘅招募噚日開始，今個月27日截止。不論想做騎師定係騎術教練，甚至幫馬釘馬蹄鐵嘅釘甲匠，都要先接受9個月基本嘅賽事見習學員訓練，之然再要進修。


啱啱完成首年訓練、20歲嘅黎志銘話，發現對所讀嘅學科無乜興趣，但對運動有興趣，於是去馬會做學員。原本凌晨3點仲掛住打機嘅佢，家變成凌晨3點已經起身訓練，又因為住寄宿學校，唔再事事靠父母，轉變都幾大。


24歲嘅見習騎師呂卓賢已經完成5年騎師訓練，要喺香港贏70場頭馬先可以正式做騎師，卓賢仲爭31場就畢到業，自言幾大壓力，因為香港好多海外騎師經驗比自己豐富，唯有提醒自己比賽唔好犯錯啦。