病咗唔寫稿 之鋒砌高達

【明報專訊】學民思潮召集人黃之鋒自中四時反國教科一役紅咗之後，一直忙於抗爭活動，噚日佢忽然喺facebook上載咗一張高達模型相，原來佢唔舒服，唔想寫文，又太得閒唔知做咩好，於是摷番小學時買嘅模型出嚟砌，仲話佢6年中學生涯都冇做過呢樣嘢。


佢呢幅高達相至噚晚已有3000幾個like，有網民留言話「讓你失去童真是我們的錯，感謝你，好好休息吧」，又即刻有44個人like。


而黃之鋒因為唔舒服而唔想寫文，係乜嘢文呢？咪就係投畀《明報》觀點版嘅稿囉，佢要脫稿一期呀，編輯聽到佢唔寫稿走去砌高達，講笑咁話﹕「唔係呀嘛？」不過，之鋒已經道歉，編輯亦體諒。