fb急急擁抱中國市場

【明報專訊】中國市場有幾吸引？雖然家facebook（fb）喺大陸依然被封，但據說佢已經喺北京市中心地區重金租咗個面積超過800平方米嘅辦公室，皆因好多中國企業希望通過fb進軍海外，所以急急腳返中國擁抱呢個大市場。


據尋日外電講，fb喺5月簽咗份3年期合同，喺北京財富金融中心59樓租咗個辦公室，個view可以直接望到故宮同鳥巢。如果根據大廈目前每平方米平均每月租金500蚊人仔計，每月唔計燈油火蠟都要交成40萬租。fb自從2009年開始無法喺內地使用，但佢就通過香港辦事處向中國客戶提供服務，表示好多中國出口商同開發商都希望用fb接觸到更多海外客戶。即係話，雖然fb喺內地被封，但係中國公司要面向國際，始終要同fb做生意，而fb之所以咁積極要開北京辦公室，就係為咗迎接更多人民幣。


[小琴密語]