佔中七一籌款大增 進帳139萬

【明報專訊】民陣七一遊行曲終人散，又係時候點算團體籌款數字。遊行人數創多年新高，團體籌款也可觀。「和平佔中」今年繼續氣勢如虹，佢哋喺街站預備咗嘅1500件T恤、2100條毛巾、490套裝布袋、2000多套明信片沽清，連同現金捐款，一共籌得139萬元，比去年七一嘅80萬元大增。按慣例，各團體要將喺七一籌得嘅十分之一款項上繳遊行主辦單位民陣，即係會為民陣帶來近14萬元收入。


公民黨較去年少

至於其他團體籌款情况又點樣呢？公民黨噚日籌得41萬，較去年53萬少。人民力量劉嘉鴻同Emily講，前晚留守行動總共有5個成員被拘捕，佢哋都未得閒點算籌得嘅款項。社民連就籌到93萬元。學民思潮都大豐收，籌到131萬元，佢哋話多謝市民支持。