陳永棋廣總大計：五區設辦服務鄉紳

【明報專訊】屬於建制派嘅香港廣東社團總會啱啱換屆，全國政協常委陳永棋任主席。棋哥噚日同傳媒聚會，原來佢滿腹大計，打算未來3年任期內，在全港五大區設地區辦事處服務鄉紳，重點係搞團結。要達成計劃，就要籌款9000萬元喎，佢仲講笑話，家朋友當佢有「痲風病」，怕見到佢要被「揼心口」捐錢！


棋哥就話，設5區辦事處主要係支援及聯繫各屬會，唔會參與議會選舉，佢話未來計劃要籌9000萬，自己已率先捐咗500萬。棋哥話，福建社團聯會都籌到成億元，如果廣東幫做唔到會好丟架。佢又話只會做一屆3年任期，希望能安排接班，3年後由比佢有錢又有能力嘅人去做，如果3年後仍要連任，咁「自己極之失敗」！