前局長楊永強任九倉非執董

【明報專訊】前衛生福利及食物局長楊永強（EK）SARS之後離職，去咗中大教書，近排兼任埋中大公共衛生及基層醫療學院院長，家仲「下海」，做埋九倉集團獨立非執行董事。


EK係醫生又係學者，強項喺研究醫療體系同公共政策，好少人知道原來佢識做生意。


打理家族生意 港馬兩邊飛

其實，自從佢唔做官之後，除咗兼職形式返中大教書，另一半時間就返馬來西亞老家打理家族生意，香港同馬來西亞兩邊飛。EK嘅尊翁長袖善舞好識做生意，生意涉及各行各業，遍佈各地，連某著名護膚產品都係家族嘅公司代理。