盛智文：689票CY難施政

【明報專訊】擔任海洋公園董事局主席11年嘅盛智文（Allan Zeman）無得留低，佢之前接受香港電台英文節目《對談》（In Conversation）訪問，傾咗對香港社會睇法，佢唔止擔心樓價高令市民百上加斤，更關注年輕人嘅不滿、悲觀情緒。佢話現屆政府本身缺乏民意支持，施政相當艱難，又講到2017年普選特首嘅方法必須有改變，絕對唔可以好似舊有機制咁得1200人有權選特首。


盛智文覺得現時選舉制度並唔健全，就算被選嗰個人有幾咁能幹都好，佢都係欠缺公眾認受性，根本唔會有所作為，現屆特首梁振英能唔能幹見仁見智，不過就確實係由689人選出嚟。《對談》今晚7點鐘喺無綫明珠台播出，今晚、下星期二夜晚10點半喺港台電視第31台重播。