吳光正再擲200萬撐邊青

【明報專訊】協青社轄下嘅「蒲吧」專門幫助邊緣青年重回正軌，九龍倉早喺2012年出錢資助「協青社蒲吧優化服務計劃」，今年再拍心口資助多200萬元，資助蒲吧未來兩年經費。最近因為「香港好自為之」言論而惹爭議嘅九倉主席吳光正，上個禮拜著便服出席協青社發布會，個樣望落當堂後生咗唔少。


支援基層中學

吳光正同在場年輕人傾得相當投入，聽到邊青過來人講自己迷失經歷時，不時搖晒頭表示可惜，聽到佢哋話想讀番書又即刻笑番。Emily仲知道九倉由2011年起推出「學校起動計劃」，支援資源唔夠但有潛質嘅中學，等基層青年唔會因為學習資源不足而錯失發展所長嘅機會，計劃即將展開第二期