政協張家敏：6．22投票者被煽動

【明報專訊】國務院上星期發表「一國兩制」白皮書後，惹來社會不少爭議，佔中發起人之一戴耀廷就話有唔少市民被白皮書激嬲，決定要參加6．22投票。不過，全國政協委員張家敏噚日喺港台《城市論壇》上話，覺得不滿白皮書就去投票嘅人，係被喺中聯辦外焚燒白皮書嘅示威者蒙蔽同煽動，質疑因事件而話去投票嘅人，有無睇過白皮書內容。


戴耀廷大大聲反駁話「你唔好當香港人係愚民」，佢喺台上好激動咁話，張嘅言論係「侮辱港人」、「你唔好以為香港人唔知發生咩事、唔知白皮書內容」。戴耀廷強調市民有獨立思考，唔會因為係學者講嘅話，或純粹因為有人燒白皮書，就對白皮書反感。