周一嶽現身粉紅嘉年華

【明報專訊】為咗響應2009年起喺新加坡舉行嘅「Pink Dot」同志活動，「大愛同盟」同「粉紅同盟」噚日喺金鐘添馬公園搞咗個「一點粉紅2014」嘉年華，所有身穿粉紅色衫嘅市民仲圍咗一個大圓點影相，象徵開放同包容嘅社會。


平機會主席周一嶽噚日都有出席，佢話平機會已委託中大「性傾向研究中心」舉辦論壇和諮詢會，收集社會對反對性傾向歧視立法嘅意見。


周一嶽仲話自己過去一年有更深入認識同性戀同性小眾問題，亦明白社會上有唔同意見同表達自由，但就唔希望有歧視嘅言論同行動出現。