駐倫敦經貿辦要搬屋

【明報專訊】家香港駐倫敦經貿辦，位於倫敦6 Grafton Street，每年租金41.5萬鎊，即係約540萬港元，絕對唔平。政府話，過去該物業由駐倫敦經貿辦、香港金融管理局同香港旅遊發展局當地辦事處共同租用，面積約1.4萬平方呎，不過，金管局、旅發局辦事處過去幾年相繼搬走，所以政府拍板為經貿辦另覓面積較合適嘅新辦事處。


聘退休公僕統籌一腳踢

Emily聽聞，政府請專人負責搬屋事宜。政府話，物色新辦事處同處理搬遷事宜，涉及大量複雜工作，包括統籌物業顧問聘用、視察物業、同未來業主商討租用條款、與律師制訂租約法律文件、統籌裝修工程等，因此以合約方式請咗一位退休公務員。


咁點解要請退休公務員？政府話，呢個職位不單要同當地專業人士合作，亦要同香港有關部門溝通，因此需要熟識政府內部工作程序，又要對倫敦嘅情况有一定了解。