新聞類別
財經
詳情#
【明報專訊】美亞娛樂（0391）前日趕及喺世界盃前，推出「美亞天天在線」視頻平台，實行以過萬集電視劇同500部電影，吸引觀眾眼球。
為咗隆重其事，美亞大老闆李國興噚日仲特意安排佢公子，即執行董事李燈旭親自登場。李燈旭話，雖然佢地個平台無得播世界盃，不過佢哋就會同一間公司合作，揾人著住睡衣同觀眾講波，不過究竟揾邊個講波？係男定係女？就真係要等佢地開估喇！
李燈旭話，佢地希望係「美亞天天在線」呢個新媒體平台，吸到過百萬觀眾，下一步如果反應好，仲可以搞埋植入式廣告揾多啲。總之成個project投資過億元，但是佢話實際要畀嘅現金唔多，都係以內部資源應付。
其實美亞今次呢招，都係揾番自己片庫建立多一個業務同收入模式。
庫存500套片 愈來愈值錢
據同席嘅執行董事唐慶枝講，內地電視頻道愈來愈肯出錢買電影版權，竟有人以千萬元買《聽風者》嘅版權返國內播，搞到佢地手上500套片嘅片庫愈來愈值錢。今年佢哋就揾咗王家衛同陳嘉上開兩套片，排檔喺明年初上影。唐慶枝仲畀料話，王大導會揾受女士歡迎嘅男星拍戲。在場女行家有人估金城武，亦有人估係梁朝偉，不過最終等王大導開估喇。唐生話，總之令大家開心咁話，唔通王家衛會拍笑片乎？
email: piano@mingpao.com
[小琴密語]
為咗隆重其事，美亞大老闆李國興噚日仲特意安排佢公子，即執行董事李燈旭親自登場。李燈旭話，雖然佢地個平台無得播世界盃，不過佢哋就會同一間公司合作，揾人著住睡衣同觀眾講波，不過究竟揾邊個講波？係男定係女？就真係要等佢地開估喇！
李燈旭話，佢地希望係「美亞天天在線」呢個新媒體平台，吸到過百萬觀眾，下一步如果反應好，仲可以搞埋植入式廣告揾多啲。總之成個project投資過億元，但是佢話實際要畀嘅現金唔多，都係以內部資源應付。
其實美亞今次呢招，都係揾番自己片庫建立多一個業務同收入模式。
庫存500套片 愈來愈值錢
據同席嘅執行董事唐慶枝講，內地電視頻道愈來愈肯出錢買電影版權，竟有人以千萬元買《聽風者》嘅版權返國內播，搞到佢地手上500套片嘅片庫愈來愈值錢。今年佢哋就揾咗王家衛同陳嘉上開兩套片，排檔喺明年初上影。唐慶枝仲畀料話，王大導會揾受女士歡迎嘅男星拍戲。在場女行家有人估金城武，亦有人估係梁朝偉，不過最終等王大導開估喇。唐生話，總之令大家開心咁話，唔通王家衛會拍笑片乎？
email: piano@mingpao.com
[小琴密語]
留言 (0)
