新聞類別
財經
詳情#
【明報專訊】依家每個人手中一定有一部平板電腦煲劇打機，坐定定喺屋企睇電視嘅人愈來愈少，賣電視自然愈來愈難，大廠鬥質素鬥形象，細廠就鬥價錢夠平夠賤，「平霸」樂視噚日又出招，宣布旗下「超級電視」系列已經全部行四核之餘，40吋嘅S40Air智能電視，盛惠只係999人仔，即係話買少部紅米，就夠錢買部電視。
樂視今次以「價錢比你的電腦顯示器更便宜！」為口號，除咗S40Air，50寸4核壕款超級電視S50Air定價都只係1999人仔。點解叫「壕款」？怕係食「土豪」呢個潮語水尾啩。
話時話，小米上兩個月先用「入門價，靚功能」招徠，推有47吋IPS屏幕、3D功能、手機連動連內置Android開發智能系統嘅智能電視，賣2999人仔，樂視亦都有用同樣定價，推50吋屏幕嘅X50Air狙擊。今次樂視帶頭劈價，唔知小米會否還擊呢？
[小琴密語]
樂視今次以「價錢比你的電腦顯示器更便宜！」為口號，除咗S40Air，50寸4核壕款超級電視S50Air定價都只係1999人仔。點解叫「壕款」？怕係食「土豪」呢個潮語水尾啩。
話時話，小米上兩個月先用「入門價，靚功能」招徠，推有47吋IPS屏幕、3D功能、手機連動連內置Android開發智能系統嘅智能電視，賣2999人仔，樂視亦都有用同樣定價，推50吋屏幕嘅X50Air狙擊。今次樂視帶頭劈價，唔知小米會否還擊呢？
[小琴密語]
留言 (0)
