駐軍捐血踴躍 袁國強點名多謝

【明報專訊】駐港解放軍在港活動至今仍然低調，Emily噚日出席紅十字會捐血頒獎禮時，見到駐港部隊代表出現，原來解放軍兵哥嘅獻血量好高，成為單日捐血人數最高機構，故有代表到場，難怪連頒獎嘅律政司長袁國強，噚日致辭時都點名致謝一眾駐軍。


噚日紅十字會捐血頒獎典禮上，設咗90多圍，表揚1051個捐血達50次或以上（25嘅倍數）嘅熱心人士及親屬。Emily起初「驚見」一名身穿軍服男子列席貴賓座，唔通連紅十字會都成為解放軍進駐場地？細問下先知道該男子係駐港部隊後勤部副部長王慶行大校，佢獲邀出席頒獎，向一批捐血捐咗175至275次嘅市民頒發紀念章。