蕭若元屯門開藥房 網民擬圍堵

【明報專訊】本港開到四圍都係藥房吸自由行生意，有網民唔滿意屯門聽日又有新藥房開張，覺得唔對路，查證之下，發現人民力量精神領袖蕭若元係老闆之一，唔少網民都覺得好嬲，仲發起「抗名人屯門藥房引自由行」行動，趁藥房聽日開張，圍堵藥房喎。


蕭若元噚日同Emily講，聽日開張嘅藥房面積大約千幾呎，由佢公司同朋友夾份，佢公司佔四成股份，但目標係做本地客生意，無諗住做水貨客生意，「我哋唔會囤積好多尿片畀人買！」

對於網民不滿喺屯門再開藥房，蕭若元話「don't care！（不在乎）」，同埋話香港係做生意地方，開藥房亦係正行生意，唔覺得有問題。