新聞類別
財經
詳情#
【明報專訊】米蘭站（1150）之前同3個買家傾唔成賣盤，主席姚君達（圖中）可能怕記者問長問短，噚日開完股東會後，一句話都唔同記者講就走。
在場嘅公關預先講定姚生唔見記者，但見到班記者守住唔走，冇幾耐就話，姚生仲會留喺會場同管理層開埋會先走，叫大家唔好白等。說時遲那時快，個會竟然10分鐘唔到就「開完」，姚生一支箭咁向電梯大堂行去，公關就喺另一方擋走記者，好似避難咁。就算記者係後面不停提問，佢都只係微微一笑，一句話都唔講，不過最後都肯企定定畀記者影張相返去「交差」。
[小琴密語]
留言 (0)
