人代黃友嘉fb貼六四報道

【明報專訊】噚日唔少人都喺facebook貼上八九年六四事件嘅報道，Emily噚日喺芸芸六四post中，意外咁見到港區人大代表黃友嘉（David）嘅影蹤！

黃友嘉喺facebook貼出美國資深人權新聞記者、兩度獲普立茲新聞獎嘅Nicholas Kristof於1989年6月4日喺《紐約時報》報道北京軍隊鎮壓嘅情况。


Emily第一時間搵黃友嘉，想聽佢點睇六四事件，黃友嘉收到Emily電話有啲驚訝，重申自己只係諗住貼番之前嘅新聞跟朋友分享吓，大家唔使大驚小怪，加上近排都好多人重溫當年新聞啦！

當時在外國 唔評論心情

黃友嘉又同Emily講，佢1989年時身在外國，當年都係睇紐約時報得知當時北京情况，不過由於佢只係貼出一日報道，所以未必最完整。至於佢當時心情如何？黃友嘉話佢都係唔評論喇。對於近日有人話89年天安門廣場無死過人，黃友嘉都係一句「no comment」。