新聞類別
財經
詳情#
【明報專訊】韓國《星星》劇中嘅男主角金秀賢（圖右），係萬千女粉絲嘅「男神」。舊年佢成為Samsonite RED（下稱RED）嘅代言人，喺劇中孭過一款RED嘅背囊後，即刻勁多人搶，帶動新秀麗（1910）成個南韓區生意火箭式上升。噚日小琴見到新秀麗投資者關係總監虞瑋麟（William）後，當然馬上八卦下佢地會唔會為金秀賢度身打造更多產品，所謂食住條水上嘛。點知William馬上say no，佢話公司唔希望產品同某一特定名星有太強聯繫喎。
服兵役前見粉絲一面
William話，金秀賢應該好快要去服兵役，「到時佢出返嚟後，個世界都唔知變成點！」金秀賢係舊年第三季開始做RED代言人，如果張約係一年期，今年第三季就會約滿。William話，今年9月金秀賢會嚟香港為產品宣傳。咁講的話，今次好可能係香港紛絲喺佢服兵役前，最後一個同佢見面嘅機會！早前有傳聞話，金秀賢已推晒9月以後嘅工作邀請，因為要準備入營。
舊年RED本來係由另一韓星宋仲基代言，之所以轉用金秀賢，亦係因為宋仲基要去服兵役。睇嚟新秀麗又要為換人做準備喇。舊年佢地南韓CEO獨具慧眼，響金秀賢未紅前已同佢簽約，慳咗唔少代言費。唔知今次佢又會「相」中邊顆新星呢？
email: piano@mingpao.com
[小琴密語]
服兵役前見粉絲一面
William話，金秀賢應該好快要去服兵役，「到時佢出返嚟後，個世界都唔知變成點！」金秀賢係舊年第三季開始做RED代言人，如果張約係一年期，今年第三季就會約滿。William話，今年9月金秀賢會嚟香港為產品宣傳。咁講的話，今次好可能係香港紛絲喺佢服兵役前，最後一個同佢見面嘅機會！早前有傳聞話，金秀賢已推晒9月以後嘅工作邀請，因為要準備入營。
舊年RED本來係由另一韓星宋仲基代言，之所以轉用金秀賢，亦係因為宋仲基要去服兵役。睇嚟新秀麗又要為換人做準備喇。舊年佢地南韓CEO獨具慧眼，響金秀賢未紅前已同佢簽約，慳咗唔少代言費。唔知今次佢又會「相」中邊顆新星呢？
email: piano@mingpao.com
[小琴密語]
留言 (0)
