岳少呻籌錢籌到無朋友

【明報專訊】旅發局主席林建岳（岳少）噚日見記者，介紹下周五至周日（6月6日至8日）嘅龍舟嘉年華，其間佢忍唔住呻，話自己做旅發局主席就嚟做到無朋友，因為每年起碼要幫旅發局搵6000萬元活動贊助，唯有搵朋友「揼心口」，但佢聲稱本身朋友唔多，仲要講明無得還，笑言如果連政府盛事基金都唔幫手，「自己就要行乞多啲」先搞得掂。


岳少補充，其實旅發局好珍惜每一筆贊助款項，如果唔係旅發局都好難搞到咁多活動，好似龍舟嘉年華咁，一連3日活動需1800萬元；扣除旅發局自掏腰包300萬元、政府盛事基金資助550萬元後，餘款950萬元需靠贊助商支持。