林鄭出手 包糉「結」實

【明報專訊】下星期一就係端午節，政務司長林鄭月娥噚日出席香港銀行公會「小小義工大行動」啟動禮時，就落手包糉。正確嚟講，林太只係打咗一個結，不過佢就紮出一雙合格嘅糉，即使只係拎住水草吊吊揈，隻糉都唔會跌落地㗎。


睇義工用廚餘製福袋

香港銀行公會今年推出「小小義工大行動」義工培訓計劃，一班小小義工喺6至11月期間會深入社區探訪貧困家庭，派發開心福袋，讓小義工分享其愛心，並了解貧困家庭嘅生活狀况。林太噚日就去睇吓「開心福袋」製作過程，睇住小義工用廚餘製作顏料，喺麻製環保袋上印上不同圖案，另外仲同現場少數族裔交流，順道學學巴基斯坦話。