高永文因兩粒瘜肉錫身

【明報專訊】由一班醫生同專業人士組成嘅「香港男士健康學會」噚日舉行成立典禮，作為嘉賓嘅食物及衛生局長高永文57歲，所以都係健康高危一族，佢噚日講到自己嘅「中年危機」，話自己50歲時驗出大腸有兩粒瘜肉，之前從來唔做身體檢查，「出事」後就變得好緊張，每年會檢測腦下垂體，隔3個月驗血一次，每兩年照大腸鏡睇吓會否再有瘜肉。


活動多 中途返辦公室如廁

出名勤力嘅高醫生有好多活動要出席就唔少人都知，佢話司機要載佢成日周圍去，但活動之間都要返一返辦公室，司機到家仍不明所以，高醫生就笑笑口解釋「我唔想搞到有腎結石」。同場嘅食衛局常任秘書長袁銘輝就話，自己每日唔係對住醫生就係護士，唔擔心有「中年危機」，仲不忘宣傳衛生署網頁有個男士專欄教育健康知識。