葉劉：中央唔會性別篩參選人

【明報專訊】政改何去何從一直成為熱門話題，大家亦有興趣留意究竟2017年有咩人參選，曾經爭取參選2012年特首嘅新民黨主席葉劉淑儀，到家無再正面回應究竟係咪會再選，但佢接受now新聞台訪問，就話相信中央會容許女性做特首，唔會用性別「篩選」，最重要係有能力。


唔少人都有懷疑，中央未必會接受一個地區首長係女性，但葉太就話唔係好相信中央領導人會咁諗，因為今時今日領導人都好務實，係講能力。


對於特首梁振英CY會否連任，葉太話對方無理由只做5年，相信CY好決心做夠10年，形容CY雄心勃勃，但又唔相信CY會為咗連任而推倒政改，因為政改係首要議題，若果唔能夠通過，一樣會影響佢嘅民望。