新聞類別
港聞
詳情#
【明報專訊】香港總商會喺今個月29日創會153周年，決定連續第四年喺當天請大家免費坐電車同天星小輪，今次仲落重本，提早喺本月15日一連4個禮拜租用10輛電車宣傳。總商會總裁袁莎妮噚日喺記者會上，同其他總商會代表一齊燃點用56支蠟燭砌成嘅「529」字樣，代表總商會會員與市民一同合作，促進繁榮。
市民同遊客喺本月29日（星期四）可以免費坐由堅尼地城至筲箕灣所有電車路線，同埋兩條尖沙嘴往來中環和灣仔嘅渡輪航線。
中環碼頭有自拍區
袁莎妮又話，會喺電車車身加上一件件「T恤」，等坐喺電車窗邊嘅乘客可以轉一轉頭就好似著咗件T恤咁。天星小輪中環碼頭旁邊嘅有蓋廣場亦會增設自動拍照區，只要講句生日祝賀語就可以影相，仲有維港做靚景
留言 (0)
