新聞類別
副刊
詳情#
【明報專訊】記性好的讀者或有印象，觸木這專欄最初除了小弟，還有另一作者，他們就是今期的受訪設計團隊——The Cave Creative workshop（下稱The cave），他們由最初在觀塘一帶，專收集各類廢木和其他物料創作家俬，到嘗試涉足量產的設計，以及參與海外的展覽，一路發展下來踏入快第四個年頭，除了工作室的模樣大有轉變之外，內在又有什麼轉變？
從動手到動腦的蛻變
認識The Cave約有兩年，當時他們一行七人甚有台型，創作出來的家具主要為枱櫈，以回收卡板木配上亞加力膠片和其他物料，加上招貼圖案的處理，甚有外國設計的味道，是本地少見的作品；現時他們加至九位成員，四人主力平面設計、三人擅長室內設計，另有二人屬時裝設計，發展的路向更為清晰及多元化，就由他們主力成員之一Eqqus現身說法﹕「頭兩年其實係一種誤打誤撞，覺得做出嘅既嘢有人睇喎，咪做落去囉！所有嘢都係嘗試，無諗太多，主要做立體創作為主。之後兩年涉及設計嘅項目比較多，唔止係執嘢創作做家俬咁簡單，平面立體都有，而且亦唔止用木，顏色、幾何形狀唔同元素都有，更加可以發揮到各人專長，碰撞出不同嘅火花。」
小板櫈 由設計到散貨
除了創作的涉獵範圍更廣，The Cave更嘗試產品開發，去年推出名為Boltie Bench的量產小板櫈，嘗試把自家設計交到工場生產，過程卻絕對不是一張小板櫈咁簡單。「呢張睇落好簡單嘅櫈仔，其實我哋用咗至少一年時間嚟開發，概念本身源自中式傳統小櫈 ，傳統嘢能夠成為經典，當然好有參考價值，然後我們希望賦予新character，加上可連接的螺絲位，淨係個dummy都試咗幾款，而且數量太少，好多廠都唔肯做，最終搵到一間，但幾十張櫈仔加起嚟成本都好貴。到批貨做好啦，最難忘就係四圍搵地方賣，大brand都好難傾，最後有幾間小店肯攞嚟賣，總算將批貨散得七七八八。」Eqqus說。雖然賣出的櫈仔最後只算勉強回本，開發的時間和心力等無形成本是回不了，但箇中的經驗卻是獲益良多，更意想不到是後來這小板櫈引來了一趟戰戰兢兢的巴黎之旅。
花都參展不失禮
「有一日收到封巴黎send過嚟嘅email，話喺一個blog到見到我哋設計嗰張櫈仔，問我哋有無興趣參展，初時半信半疑，後來似乎係堅嘅，但運費機票呀嗰啲要自己出，諗咗陣最後都係籌旗去，不過因為之前曾經試過寄嘢出事，所以今次專登買咗個大篋，自己將參展作品攞過去。」Eqqus和伙伴們商討過後，由於該次名為「Meet My Project」的展覽，屬於巴黎設計周期間的活動，實屬難得機會；最後立即趕工，把另一設計交到工場的師傅手上，創作出一張名為Bracket Chair的木椅，連同兩張Boltie Bench遠赴花都參展。
「嗰次最難忘嘅有幾樣，首先自己會懷疑件作品會唔會失禮，第二係今次因為無香港嘅機構協助，好多嘢要自己安排，但英文喺巴黎又唔算完全溝通到；好彩最後展覽開始咗，比較其他展品，原來我哋水準都唔差，更係全場唯一嘅亞洲參展單位，都有啲成功感。不過有少少嘆息嘅係有唔少歐洲觀眾連香港喺邊都唔知，以為Hong Kong係Japan或Singapore嘅地方，而且返到香港會覺得，去過參展咁又點呢？其實香港普遍無咩人會關心設計嘅嘢……」
Lego與搭棚=互相扶持
話雖如此，每趟到外地參展，總會刺激起他們不少靈感，例如早於巴黎之旅前，The Cave被香港設計大使選上，成為往丹麥交流的成員之一，使Eqqus和拍檔想到了一種系統的設計﹕「當時參觀唔同嘅設計公司，都有盤Lego，因為Lego千變萬化同埋可向唔同方向建構，好適合即時表達靈感，而香港嘅搭棚方式其實都有類似嘅一種系統喺裏面。」難怪他們近年的設計，都帶有木條間隔的組合，橫直前後互相交疊的力量，不也是他們團隊成員互相支持的寫照？
後記﹕有伴，Yo！使乜驚呀
藝術和設計其中一項最大的分別，是前者往往是個人自我尋覓的修行，而後者卻可以是團隊的共同進退，看着The Cave他們在數年間的成績，最令筆者羨慕的，就是那種恍如球隊般的兄弟班精神，所謂「三個臭皮匠勝過諸葛亮」，互相砥礪、彼此扶持，無論在創作的路途上蝕了多少金錢、時間和汗水，賺到的經驗和友情絕對無價；何况機會往往是在無心插柳的情况下悄悄現身，只要憑着內心蠢蠢欲動的一團火去幹，便總有意想不到的事情在前面，而且只要沿途有伴，更是何懼之有？
作者簡介
王天仁，畢業於香港中文大學藝術系，以回收木卡板創作卡通動物雕塑超過十年，活躍於不同類型展覽、跨界合作和項目策劃，亦積極擔任教育工作，近來透過不同平台，以文字分享所見所想。
http://www.facebook.com/junkwoodsculpture
欄目簡介
英文「Touch Wood」，有驅散噩運的意思，有說和廣東話的「大吉利市」意思相近。無論如何，木頭和人類的關係可說是唇齒相依，由原始人鑽木取火，到用木搭建房屋，利用木筏渡河，製作家具，及至各種藝術設計等，木都是不可或缺的材料，故此本欄目命名為「觸木 Touch Wood」，正希望把一些和木有關的人、事和地方，以至簡單的DIY創作和各位讀者分享。
受訪者資料
The Cave Creative Workshop
http://www.thecaveworkshop.com/
文 天仁
圖 天仁、The Cave Creative Workshop
編輯 沈可媛
fb﹕http://www.facebook.com/SundayMingpao
從動手到動腦的蛻變
認識The Cave約有兩年，當時他們一行七人甚有台型，創作出來的家具主要為枱櫈，以回收卡板木配上亞加力膠片和其他物料，加上招貼圖案的處理，甚有外國設計的味道，是本地少見的作品；現時他們加至九位成員，四人主力平面設計、三人擅長室內設計，另有二人屬時裝設計，發展的路向更為清晰及多元化，就由他們主力成員之一Eqqus現身說法﹕「頭兩年其實係一種誤打誤撞，覺得做出嘅既嘢有人睇喎，咪做落去囉！所有嘢都係嘗試，無諗太多，主要做立體創作為主。之後兩年涉及設計嘅項目比較多，唔止係執嘢創作做家俬咁簡單，平面立體都有，而且亦唔止用木，顏色、幾何形狀唔同元素都有，更加可以發揮到各人專長，碰撞出不同嘅火花。」
小板櫈 由設計到散貨
除了創作的涉獵範圍更廣，The Cave更嘗試產品開發，去年推出名為Boltie Bench的量產小板櫈，嘗試把自家設計交到工場生產，過程卻絕對不是一張小板櫈咁簡單。「呢張睇落好簡單嘅櫈仔，其實我哋用咗至少一年時間嚟開發，概念本身源自中式傳統小櫈 ，傳統嘢能夠成為經典，當然好有參考價值，然後我們希望賦予新character，加上可連接的螺絲位，淨係個dummy都試咗幾款，而且數量太少，好多廠都唔肯做，最終搵到一間，但幾十張櫈仔加起嚟成本都好貴。到批貨做好啦，最難忘就係四圍搵地方賣，大brand都好難傾，最後有幾間小店肯攞嚟賣，總算將批貨散得七七八八。」Eqqus說。雖然賣出的櫈仔最後只算勉強回本，開發的時間和心力等無形成本是回不了，但箇中的經驗卻是獲益良多，更意想不到是後來這小板櫈引來了一趟戰戰兢兢的巴黎之旅。
花都參展不失禮
「有一日收到封巴黎send過嚟嘅email，話喺一個blog到見到我哋設計嗰張櫈仔，問我哋有無興趣參展，初時半信半疑，後來似乎係堅嘅，但運費機票呀嗰啲要自己出，諗咗陣最後都係籌旗去，不過因為之前曾經試過寄嘢出事，所以今次專登買咗個大篋，自己將參展作品攞過去。」Eqqus和伙伴們商討過後，由於該次名為「Meet My Project」的展覽，屬於巴黎設計周期間的活動，實屬難得機會；最後立即趕工，把另一設計交到工場的師傅手上，創作出一張名為Bracket Chair的木椅，連同兩張Boltie Bench遠赴花都參展。
「嗰次最難忘嘅有幾樣，首先自己會懷疑件作品會唔會失禮，第二係今次因為無香港嘅機構協助，好多嘢要自己安排，但英文喺巴黎又唔算完全溝通到；好彩最後展覽開始咗，比較其他展品，原來我哋水準都唔差，更係全場唯一嘅亞洲參展單位，都有啲成功感。不過有少少嘆息嘅係有唔少歐洲觀眾連香港喺邊都唔知，以為Hong Kong係Japan或Singapore嘅地方，而且返到香港會覺得，去過參展咁又點呢？其實香港普遍無咩人會關心設計嘅嘢……」
Lego與搭棚=互相扶持
話雖如此，每趟到外地參展，總會刺激起他們不少靈感，例如早於巴黎之旅前，The Cave被香港設計大使選上，成為往丹麥交流的成員之一，使Eqqus和拍檔想到了一種系統的設計﹕「當時參觀唔同嘅設計公司，都有盤Lego，因為Lego千變萬化同埋可向唔同方向建構，好適合即時表達靈感，而香港嘅搭棚方式其實都有類似嘅一種系統喺裏面。」難怪他們近年的設計，都帶有木條間隔的組合，橫直前後互相交疊的力量，不也是他們團隊成員互相支持的寫照？
後記﹕有伴，Yo！使乜驚呀
藝術和設計其中一項最大的分別，是前者往往是個人自我尋覓的修行，而後者卻可以是團隊的共同進退，看着The Cave他們在數年間的成績，最令筆者羨慕的，就是那種恍如球隊般的兄弟班精神，所謂「三個臭皮匠勝過諸葛亮」，互相砥礪、彼此扶持，無論在創作的路途上蝕了多少金錢、時間和汗水，賺到的經驗和友情絕對無價；何况機會往往是在無心插柳的情况下悄悄現身，只要憑着內心蠢蠢欲動的一團火去幹，便總有意想不到的事情在前面，而且只要沿途有伴，更是何懼之有？
作者簡介
王天仁，畢業於香港中文大學藝術系，以回收木卡板創作卡通動物雕塑超過十年，活躍於不同類型展覽、跨界合作和項目策劃，亦積極擔任教育工作，近來透過不同平台，以文字分享所見所想。
http://www.facebook.com/junkwoodsculpture
欄目簡介
英文「Touch Wood」，有驅散噩運的意思，有說和廣東話的「大吉利市」意思相近。無論如何，木頭和人類的關係可說是唇齒相依，由原始人鑽木取火，到用木搭建房屋，利用木筏渡河，製作家具，及至各種藝術設計等，木都是不可或缺的材料，故此本欄目命名為「觸木 Touch Wood」，正希望把一些和木有關的人、事和地方，以至簡單的DIY創作和各位讀者分享。
受訪者資料
The Cave Creative Workshop
http://www.thecaveworkshop.com/
文 天仁
圖 天仁、The Cave Creative Workshop
編輯 沈可媛
fb﹕http://www.facebook.com/SundayMingpao
留言 (0)
