《小王子》手稿 周五有得睇

【明報專訊】唔少讀者應該都聽過甚至睇過《小王子》，呢本法國經典名著原來已被翻譯為270多種語言，適逢今年係作者安東尼•聖修伯里（1900-1944）逝世70周年，5月2日至6月2日，大家可以喺奧海城2期地下主題中庭睇《小王子》展覽，到時會有《小王子》法文原著嘅文字手稿複本，仲有多幅水彩文本複本，全部係首次在港展出。展覽仲有介紹作者安東尼•聖修伯里嘅生平、歷史照片，畀《小王子》書迷可以親歷呢位作家嘅創作歷程。