新聞類別
財經
詳情#
【明報專訊】外星人呢家嘢不嬲都引嚟無限遐想，近排最熱嗰位，自然係韓劇《來自星星的你》嗰位「都教授」啦。之不過，中國都有一批「企鵝星人」，咪就係「企鵝王國」騰訊（0700）嘅QQ用戶囉。小琴噚日見到「企鵝」喺新浪個微博，突然整張美國山姆大叔募兵嘅圖（圖），當然大叔變成咗企鵝啦，要搵百幾個企鵝星人做神秘任務。
聽講企鵝星人個名由來已久，係形容嗰批用咗QQ好耐嘅用戶。騰訊個招兵買馬公告就講到明，時間多、精力旺、轉數快，兼同「007鵝」一齊探險，就有機會被「徵召入伍」。咁究竟係咩任務咁神秘呢？唔通真係要同另一隻「馬」，阿里巴巴老細馬雲開戰。
小琴入咗個QQ群，暫時接到第一個任務係答問題，被個群主問「近一年手機QQ最大變化係乜」、「變化帶嚟乜嘢滿足感」同「最希望手機QQ有乜功能做到」，每人限交50至200字。就咁睇似係手機QQ嘅用戶體驗調查，但肯定唔會咁簡單啦，話唔定鋪緊路，為手機QQ有機會出嘅大革新版本試用。
email: piano@mingpao.com
[小琴密語]
聽講企鵝星人個名由來已久，係形容嗰批用咗QQ好耐嘅用戶。騰訊個招兵買馬公告就講到明，時間多、精力旺、轉數快，兼同「007鵝」一齊探險，就有機會被「徵召入伍」。咁究竟係咩任務咁神秘呢？唔通真係要同另一隻「馬」，阿里巴巴老細馬雲開戰。
小琴入咗個QQ群，暫時接到第一個任務係答問題，被個群主問「近一年手機QQ最大變化係乜」、「變化帶嚟乜嘢滿足感」同「最希望手機QQ有乜功能做到」，每人限交50至200字。就咁睇似係手機QQ嘅用戶體驗調查，但肯定唔會咁簡單啦，話唔定鋪緊路，為手機QQ有機會出嘅大革新版本試用。
email: piano@mingpao.com
[小琴密語]
留言 (0)
