娃哈哈買AC？ 宗慶後火速辟謠

【明報專訊】最近球壇有兩大新聞，一個係英格蘭紅魔鬼曼聯易帥，另一個係意大利紅黑軍團AC米蘭搵買家。噚日米蘭市《米蘭體育報》就話，中國最大食品企業娃哈哈董事長宗慶後同AC米蘭副主席芭芭拉傾緊入股，內地網站更加瘋傳呢個消息。不過，宗慶後下晝已經辟謠，話唔識得咩芭芭拉，亦唔了解AC米蘭，佢仲話，對足球了解唔多，從來無諗過搞波。就算娃哈哈成為曼聯嘅合作伙伴，宗慶後都話係對方搵上門，自己只會搞實業，從未對投資球會有興趣。


強調從冇諗過搞波

其實之前亦都有傳宗慶後有意入股利物浦，兩單傳聞令宗慶後都覺得莫名其妙，佢估可能係中國元素响西方容易引起炒作，加上同曼聯合作，所以先至無啦啦將娃哈哈同AC米蘭扯上關係。而AC米蘭果邊，主席貝盧斯科尼都駁斥佢打算賣球會嘅傳言。既然雙方都一齊否認，睇怕大家暫時都冇機會響AC件紅黑戰衣度見到「娃哈哈」三隻字。


email: piano@mingpao.com

[小琴密語]