令泛民復合 戴耀廷做婚姻顧問

【明報專訊】佔領中環發起人之一戴耀廷最近「轉行」！今次佢唔再做揸住掃帚嘅校工，而係做「婚姻顧問」，肩負起拉攏家四分五裂嘅泛民、等佢哋可以復合嘅任務。戴耀廷噚日去珠海學院出席一個政改論壇時，話泛民出現內部分歧嘅情况，就好似一對差唔多要離婚嘅夫妻。佢話作為佔中發起人之一，就好比一個婚姻顧問，要將大家不同嘅訴求拉番一齊，務求令佢哋有復合機會。


戴耀廷話兩公婆嗌交時，一定會話對方唔啱。佢就話泛民黨派對香港民情嘅掌握、對中國共產黨嘅判斷，以及黨派間嘅利益，都令泛民間存在差異。所以戴耀廷強調要以一個公開公平嘅過程，如商討日，去取得一個結論。佢希望可以藉此令泛民再一齊番。