夏千福踎低祝兒童節快樂

【明報專訊】噚日4月4日係咩日子？就係兒童節囉，雖然一般人未必記得呢個日子，不過美國駐港總領事夏千福就好有心，趁兒童節訪問穆民國際學校，同班學生一齊食嘢傾偈，張相仲上載咗去facebook，祝港澳小朋友「兒童節快樂」。


Emily搵過近10年嘅特區政府公布，搵唔到政府有提過任何關於兒童節嘅說話，原來世界各地嘅兒童節日子唔同，4月4日呢個日子，係中華民國當年定嘅，喺香港同台灣都沿用，至於內地慣用嘅國際兒童節，就係6月1日。


美國駐港總領事facebook上載嘅照片，見到一向鍾意落區嘅夏千福踎低同班小朋友傾偈，無乜架子。