劉霞生日 陳日君「聲」援

【明報專訊】大家關心台灣「太陽花學運」之際，唔好忘記內地仲有唔少維權人士身陷囹圄，好似已經被軟禁3年多嘅劉曉波妻子劉霞，4月1日生日，劉霞關注組就搞咗個「聲」援劉霞活動，請大家錄一段1分鐘內嘅祝福語。率先錄製咗嘅有天主教香港教區榮休主教陳日君樞機、公民黨梁家傑同埋工黨李卓人。


「上帝在你們身邊，不要灰心」

陳日君喺錄音用普通話話，「曉波的理想，你的理想，也是我們的理想。我們相信，你們的犧牲，為我們的國家是很有用的。我們也相信，上帝在你們身邊，我們也在你們身邊，你們不要灰心。」佢又求上帝畀到平安予劉曉波夫婦，等佢哋可以勇敢堅持理想，「希望有一天，我們可以一起慶祝我們的成功」。


4月1日播映「慶生」

劉霞關注組話，會整理好大家嘅錄音，4月1日舉行播映會，詳情稍後公布。大家有興趣嘅話，可將錄音傳到﹕freeliuxia2014@gmail.com。