盧偉國接掌專資會 話最緊要「和」

【明報專訊】由政商界等專業人士組成嘅香港專業及資深行政人員協會最近換屆，原會長謝偉銓退下，另一立法會議員盧偉國接棒。盧會長話，今屆專資會安排咗好多外訪活動，大概9月會訪京，下月去山西考察，仲計劃暑假拉隊去好遠嘅西伯利亞，但呢次主要係聯誼。


暑假西伯利亞聯誼

專資會一班新理事噚日同傳媒聚會時，盧偉國大讚謝偉銓謙謙有禮、人緣好好，所以好多人加入，佢仲話搞呢個會最緊要一個「和」字，大家要和諧，同埋和而不同。專資會家都有組成小組傾政改，話遲啲會向政府提交方案。