環團學校推廣源頭減廢

【明報專訊】沙田馬場噚日好熱鬧，除咗大批馬迷睇跑馬外，亦有唔少議員及社區領袖到場，佢哋係參加馬會新推出嘅「社區夥伴計劃」啟動禮活動。呢項計劃拉攏唔同嘅地區團體合作提供社區服務，呢啲服務，亦包括由新界校長會及環團綠領行動合作，為全港400多間教育團體同學校，推出環保外展計劃，推廣「源頭減廢」，等學生學懂知識後，將減廢信息帶番屋企。


中樂團教窮學童打鼓

今次推出嘅項目，唔少專為基層市民而設，好似香港中樂團，就會為東涌及天水圍低收入家庭學童，提供免費中國鼓音樂訓練，等佢哋日後可以組隊參加音樂比賽，增強自信心。