肥彭聞政改：唔做評述員

【明報專訊】香港末代港督彭定康（肥彭）重臨香港，正值香港諮詢政改之際，大家都好想知佢對政改嘅睇法；不過肥彭聽到記者提政改，就講笑話唔想做「足球評述員」，去評論香港發生嘅所有事。佢強調對香港自由、民主、一國兩制、《中英聯合聲明》同《基本法》嘅睇法，都無改變過。


「香港人優先」港英旗歡迎

肥彭噚日去香港海事博物館出席《針路藍縷﹕牛津大學珍藏明代海圖及外銷瓷》展覽開幕禮，佢話香港依然喺一個美好嘅城市，其中一個原因係大家都有良好嘅公民意識。當記者問佢政改問題時，佢就話「我好明白點解你想要我嘅意見」，但都希望記者明白佢嘅習慣，就係唔想做「足球評述員」。唔知肥彭係咪擔心會被中方批評「說三道四」，所以唔肯評論呢？


收蛋撻收請願信

前港督駕臨，有約20個手持港英旗嘅市民夾道歡迎佢，仲高舉「肥彭港督，我哋好掛住你」嘅標語。其中「香港人優先」成員Billy仔仲拎咗肥彭最鍾意食嘅泰昌蛋撻送畀佢。肥彭仲親手接過一封請願信，內容係關於不滿中共干擾香港普選、傳媒發牌同言論自由。


肥彭今次以牛津大學校監身分來港，將會逗留5日，明日會出席大學校友會嘅研討會。