和記電訊講求人氣 引入小米3

【明報專訊】蘋果同三星啲手機，近年人氣跌咗唔少，香港間間流動電訊商都話，業績差咗係唔夠明星手機撐場。話說呢排小米大熱，小琴身邊有唔少人貪佢抵用，買部畀屋企人或自己用。和記電訊（0215）最近獨家引入小米3，流動通訊董事總經理龍佩英就話，唔夠人氣手機對業務有壓力，所以加多啲款式，「小米3高性價比，預訂反應幾好，可以有多啲選擇畀消費者。」


喺Google Android部門挖角過嚟，小米國際部副總裁Hugo Barra，噚日都專程嚟到香港推銷佢哋部旗艦機。佢話香港市場係細，但其他地方都會留意香港市場一舉一動，因為不少流行科技都喺晒度，所以拍本地電訊商做生意。小米3今日開始有得喺3香港買，零機價月費最平238元，優惠期內數據用量亦多咗，仲話貨源一定充足添，到時又睇下使唔使又「1分20秒賣清光」。


[小琴密語]