政府一園務工 原來屬消防

【明報專訊】政府職位林林總總，除咗有一個特首職位，公務員內部原來仲有「理髮師」職系同埋「園務工人」職系，佢哋所屬嘅政府部門亦都係估你唔到——理髮師來自衛生署，而園務工人就來自消防處。據公務員事務局提交立法會嘅文件，理髮師及園務工作，分別係「第一標準薪級」內唯一只有一個人嘅職系！


政府檢討職系工時

公務員事務局噚日公布咗第一薪級職系規定工時檢討嘅初步結果，約7450名第一標準薪級人員中，只有40個公務員可於現階段，將規定工作時數縮減至每周總工作時數45小時。呢40個公務員來自4個冷門嘅職系，包括爆炸品倉務員、物料供應服務員，以及理髮師同園務工人。


該局話，政府喺決定縮減工時嘅時候好小心，既要確保毋須額外財政資源，亦要不涉額外人手，仲要維持現有服務水平等等，所以目前只有4個職系符合要求。