林順潮：小斌斌會赴京讀書

【明報專訊】好多人都關心被挖眼睛山西男童小斌斌嘅狀况，免費為佢治療嘅港區人大代表、眼科醫生林順潮噚日就同Emily講，新年期間佢同小斌斌通過電話，聽得出佢精神唔錯，相信無論雙眼傷勢同心理狀態都穩定良好。林順潮仲透露，小斌斌父母已經決定安排囝囝去北京返學。


談內地辦眼科醫院困難

講完小斌斌雙眼，林順潮亦講到內地辦眼科醫院嘅困難，佢今年就喺兩會期間提出，希望簡化及下放進口眼角膜審批權。佢話，原來要從外國進口眼角膜做移植手術，要由省到市兼涉及海關等幾個部門層層審批，但器官唔等得，結果搞到內地好難做到眼角膜移植手術。佢仲話，自己間醫院開咗成年，需要做移植手術嘅病人好多，但因為進口審批問題，所以一宗手術都未做到過。