高盛朱悅過檔貝萊德

【明報專訊】高盛嘅中國股票專家朱悅最近成功「被挖角」，嚟緊會去貝萊德（BlackRock）做董事總經理兼中國股票投資主管，奇怪嘅係佢今次毅然離開做咗8年嘅高盛，到頭來竟然無升職，睇怕人工可能加得唔少。咁當然，貝萊德就梗係冇講用咗幾多銀彈先成功「邀悅」啦。


朱悅將會下個月7號返工，加盟後，朱悅會向亞洲股票團隊主管施安祖（Andrew Swan）匯報。施安祖响公告裡面話，朱悅响中國股票研究，以至分析中國宏觀市場策略方面有超過10年的豐富經驗，可以進一步提升貝萊德投資團隊實力。


朱悅出咗名係中國通，之前主要睇開通訊及網路類股票，佢响高盛一直做到董事總經理兼首席中國股票策略師，之前就做過荷蘭銀行，同埋美資投行Donaldson Lufkin & Jenrette紐約及香港分公司。


[小琴密語]