兩個胡志偉 別人撈亂晒

【明報專訊】「和平佔中」噚日舉行第二次商討日總結及作前瞻，席間淨係「胡志偉」都有兩個。民主黨立法會議員胡志偉噚日一入場，就去搵「香港教會更新運動」總幹事胡志偉牧師打招呼「相認」，原來佢入場登記時，又畀人認錯。

相識於03年七一

兩個胡志偉相識於2003年七一，相遇於遊行街頭，雖然唔係成日見，不過就時有「交流」，事關佢成日都畀人認錯，有時仲會「誤收」對方電郵。

胡牧師話，除不時被人以為佢從政做議員外，政界人士有時候亦會「擺烏龍」，例如立法會資訊科技界議員莫乃光，就成日facebook tag相時tag錯，有時仲會將政界胡志偉電郵傳畀佢。