跳到主要內容

民記宴會豪派「愛國者電腦」長青網文章

2014年03月07日
檢視個人資料
Submitted by 長青人 on 2014年03月07日 06:35
2014年03月07日 06:35
新聞類別
港聞
詳情#
【明報專訊】雖然人大政協兩會期間,中央唔准部委宴請,但人代、政協代表不愁寂寞,因為唔同嘅社團、政黨都有搞宴會,好似前晚,民建聯喺佢哋顧問黃建華旗下酒店請客,除咗人代、政協,連中聯辦前主任彭清華、前副主任李剛、港澳辦前副主任陳佐洱等曾處理香港事務嘅內地官員亦係座上客。嘉賓多之餘,仲可以「又食又拎」,皆因佢哋向每名嘉賓豪派平板電腦等禮物。呢款平板電腦係「愛國者平板電腦」,據其官方網頁,每部要999元人民幣。


彭清華李剛陳佐洱座上客

據與會者形容,當晚嘅禮物好似「成座山咁高」,每人一箱,原來內有國產平板電腦。不過,拎走禮物嘅嘉賓似乎唔多,反而大家就盡興飲酒,甚至有人飲到要抬走,十分誇張。至於當晚司儀介紹一眾前官員時,講漏咗全國人大法律工作委員會主任委員喬曉陽,據聞喬老爺立即舉手話數漏咗佢,話自己都有出席。


民建聯主席譚耀宗話,送平板電腦嘅唔係民建聯,而係黃建華,但平板電腦內就唔少得裝有民建聯資料,又有短片宣傳唔好食魚翅。


黃建華送 內藏短片

特首梁振英唔去自由黨黨慶,但民建聯搞酒會就畀面出席,有與會者目擊,自由黨田北俊同CY同場,基本上都唔理對方,又話CY四圍同人碰杯飲酒,但就無同田少碰杯咁話。至於前政務司長唐英年亦與CY同場,兩人同樣無碰杯。


0
0
0
書籤
留言 (0)
確定