被問「金鍾仁」 陳家強：寫文必用自己名

【明報專訊】「金鍾仁」噚日喺報紙有一篇以〈硬說分歧何苦來由〉為題嘅文章，反駁財政司長曾俊華同特首梁振英理財哲學唔同嘅講法。近日有傳「金鍾仁」係新聞統籌專員馮煒光，財經事務及庫務局長陳家強噚日接受商台《在晴朗的一天出發》訪問，笑笑口話唔知「金鍾仁」真身係邊個，但就話自己寫文「一定會用自己名」。


節目主持人陳志雲問，政府官員為政府護航唔應該用筆名而要用真名，陳家強無正面回答，只係話政府中人有責任解釋政策，睇點樣用最好方法。陳家強仲話一定會用「自己名」，「我想要人知係我寫」。據佢所知，財經事務及庫務局近幾年都無人用筆名寫文。