泛民搶先林煥光發言有因

【明報專訊】財爺曾俊華噚日去立法會宣讀預算案，按慣例，會後政務司長林鄭月娥、一班行會成員會輪流喺會議廳外發表睇法，不過民協馮檢基同一班泛民成員，噚日就搶先喺行會召集人林煥光前，喺「咪兜」前發言。


有乜嘢事令阿基咁緊張？因為明報前總編輯劉進圖遇襲，令阿基憂慮新聞自由受威脅。不過，唔少媒體想知林煥光點睇劉遇襲，最終林煥光喺臨離開立會前，趕及喺自動扶手電梯旁接受部分傳媒提問。但由於唔係個個電視台都有另一隊攝製隊，林煥光又趕住走，最終有部分電視台「甩咗」林煥光嘅回應。