中銀推介「恰到梁振英股」

【明報專訊】小琴平日訪問不少基金經理，他們選股投資的方向大都可歸類為「高息股」、「增長股」或「價值型」等。噚日小琴出席中銀資產管理「棋藝無限投資有道」嘅活動，主題係講國際象棋同投資如何融洽，席間中銀香港資產管理股票投資主管陳道烱提出「恰到梁振英」股嘅選股策略，在座所有人都非常好奇咩係「恰到梁振英」股，原來就係公用股，喺他管理之下嘅「中銀香港全天候中港股票基金」首十大主要持股中，已經有三大公用股——包括長建（1038）、電能實業（0006）同港鐵（0066），但陳道烱就唔喜歡跟政府議價能力較低的公用股——如巴士。另外，佢亦認為恒指市盈率處於10至11倍的低位，較美國17至18倍為低，故建議大家應趁股市調整吸納。另外亦可以買本地地產，因為話「地產霸權」太厲害啦，市場估樓市跌兩成，應已反映利淡因素，佢認為今年本港樓市會跌5%至10%。


[小琴密語]