李慧玲今客串D100

【明報專訊】「名嘴」李慧玲被商台突然解僱，網台D100噚日透過facebook宣布，話李慧玲今朝8點鐘會喺「香港台」同「大聲台」聯播節目《風波裏的茶杯》擔任嘉賓主持，與另一商台前「名嘴」鄭經翰一齊開咪。


早前一直有傳李慧玲會去大班個台，今次上去，係咪試工呢？李慧玲笑住話「唔使試工啦話」。佢話，今次合作，係因為D100節目改革，咁啱大班個節目有人放假，少咗個拍檔，所以大班臨急臨忙搵佢幫手，暫時只係做一日節目。李慧玲強調，暫時無打算繼續喺D100開咪，有新發展嘅話，會第一時間同大家講。