李嘉誠蟬聯華人首富

【明報專訊】雖然IT界「雙馬」近排當紅，但講到首富呢個位，始終仲係非「超人」李嘉誠莫屬。噚日胡潤公布咗2014年全球富豪榜，誠哥以2000億（人民幣．下同）身家，蟬聯華人首富寶座兼做埋亞洲首富，「新賭王」呂志和同話自己與雙馬聯手「天下無敵」萬達王健林，各以1500億身家排第2。


科網發威 全球富豪IT界多於地產

舊年華人富豪「榜眼」李兆基家族，因為恒地（0012）股價係咁跌，今年財富縮水9%，跌出三甲，僅排第4，至於雙馬之一嘅騰訊（0700）主席馬化騰就首次躋身華人十大富豪，排第8，身家840億，睇家騰訊股價升到唔識停，馬化騰排名隨時有機會愈升愈高，現年42歲嘅佢仲係十大富豪中最後生嘅一個