馮煒光遇匯點舊雨高達斌

【明報專訊】恒隆集團主席兼香港發展論壇召集人陳啟宗噚日嘅「體制改革﹕世界、中國、香港」研討會，新聞統籌專員（IC）馮煒光去聽咗個幾鐘，仲好努力咁抄筆記。咁啱愛港之聲主席高達斌又有去聽，佢哋見到面時仲好開心打招呼。不過，馮煒光同Emily講，其實同高達斌唔係好熟，兩人只係相識於「匯點」。Emily數吓手指，咁兩個都大大話話識咗好多年咯。


鍾意睇書 但無時間

噚日研討會除咗有「梁粉」陳啟宗做主持，仲有基本法委員會委員劉迺強做講者。馮煒光話，政府不時都會收到各種研討會嘅邀請，所以都會出席學吓嘢，佢仲同Emily講「各方（意見）都聽吓」，又話自己好鍾意睇書，所以密密抄低講者推介嘅書名。但IC笑住話家工作好忙，應該都無時間睇喇。